An fara fuskantar sabbin kalubale da muhawara a cikin jam’iyyar APC reshen jihar Kano bayan tabbatar da Murtala Sule Garo a matsayin sabon mataimakin gwamna, lamarin da ya kara jefa siyasar jihar cikin sabon yanayi mai cike da rikici da rabuwar kai.
Wannan ci gaba ya biyo bayan murabus din tsohon mataimakin gwamnan jihar, Kwamared Abdulsalami Gwarzo, wanda ya sauka daga mukaminsa bayan majalisar dokokin jihar ta fara bincike a kansa.
Bayan ficewar Gwarzo, siyasar APC a Kano ta dauki sabon salo yayin da aka fara fafatawa tsakanin manyan jiga-jigan jam’iyyar kan wanda zai gaje shi.
Daga cikin manyan sunayen da suka mamaye tattaunawar siyasar maye gurbin akwai:
Murtala Sule Garo
Kabiru Alhassan Rurum
Suleiman Bichi
Kowane daga cikin wadannan mutane na da karfi a siyasance tare da mabiyansa a cikin jam’iyyar, wanda hakan ya sa batun ya zama mai matukar daukar hankali a Kano.
Kafin sanar da Garo a hukumance, an yi ta rade-radin siyasa, ganawa da tattaunawa tsakanin shugabannin APC domin cimma matsaya, amma hakan bai hana samun rabuwar kai ba.
Rahotonni Cewa Wasu manyan jagorori sun goyi bayan Garo
Wasu sun fi marawa Rurum baya
Wasu kuma suna kallon Bichi a matsayin zabin da ya dace
Murtala Sule Garo dai tsohon kwamishina ne kuma gogaggen dan siyasa wanda ya taba rike mukamai masu muhimmanci a Kano, abin da ya sa wasu ke kallonsa a matsayin gogaggen shugaba.