Tankokin Fetur Sun Yi Hatsari a Zariya, Mutane Sun Mutu

By Asrah24 MediaAugust 11, 20251 Min Read

Wasu manyan motocin dakon mai biyu sun yi hatsari a safiyar Litinin a yankin Ɗan Magaji, dake ƙaramar hukumar Zariya, a jihar Kaduna, lamarin da ya haddasa tashin gobara mai tsanani.

Shaidu sun bayyana cewa hatsarin ya faru da misalin ƙarfe 8:30 na safe, a kusa da Makarantar Rochas Foundation, kan titin Kaduna zuwa Kano daga Kwangila zuwa Ɗan Magaji.

Hatsarin ya haɗa da manyan motocin mai biyu da motoci ƙirar Golf guda biyu ɗauke da fasinjoji.

Tankokin sun yi bindiga, wanda ya jawo tashin gobara mai ƙarfi, tare da hayaƙi mai.

Jami’an ceto da tsaro sun rufe hanyar, tare da gargadin direbobi da su kauce wa wucewa ta wurin, yayin da ake ci gaba da aikin ceto da kwashe gawarwakin waɗanda lamarin ya rutsa da su.

#asrah24tv

Previous ArticleHadakar jam’iyyu ce Kawai za ta iya kifar da Tinubu a 2027, ba ta daidaikun mutane ba

Next Article Gwamnatin Tarayya ta yi gargadin samun ambaliya a jihohi 15 daga cikin jihohi 19 na Arewacin ƙasar nan, inda ta bukaci al’umma da hukumomi su dauki matakan gaggawa don kare rayuka da dukiyoyi. Wannan gargadi ya fito ne a ranar Lahadi daga Cibiyar Gargadin Ambaliya ta Ma’aikatar Muhalli ta Tarayya, a cikin wata sanarwa da Malam Usman Abdullahi Bokani, Daraktan Sashen Kula da Ƙasa, Ambaliya da Yankunan Gabar Ruwa, ya sanya wa hannu. Ya bayyana cewa jihohin Adamawa, Bauchi, Nasarawa, Kaduna, Katsina da Kebbi na cikin jerin wuraren da ke cikin haɗari sosai. Sauran jihohin da aka sanya a cikin gargadin sun haɗa da Kano, Niger, Taraba, Jigawa, Yobe, Zamfara, Sokoto, Borno da Kwara. Haka kuma, wasu garuruwa kamar Jimeta, Mubi, Keffi, Kafanchan, Birnin Kebbi, Minna, Gusau da Sokoto na cikin wuraren da ake ganin za su iya fuskantar ambaliya mai tsanani. A Kebbi kuwa, an lissafa garuruwa da dama kamar Kamba, Kangiwa, Kalgo, Ribah, Sakaba, Saminaka, Gwandu, Jega da Birnin Kebbi a matsayin wuraren da ya kamata a kula da su sosai.

Leave A Reply