Hashim ya bayyana hakan ne bayan wani taro da ya yi da fitaccen lauya kuma mai fafutuka, Femi Falana (SAN), inda suka tattauna kan halin da dimokuradiyyar Najeriya ke ciki.
Ya ce an cimma matsaya cewa dole ne a kare tsarin jam’iyyu da dama a kasar.
“Mun yanke shawarar ci gaba da kare tsarin dimokuradiyya mai jam’iyyu da dama, tare da hana komawa tsarin jam’iyya guda,” in ji shi.
ARIHIN HADIN KAI
Hashim ya bayyana Falana a matsayin abokin fafutuka na dogon lokaci, wanda alaƙarsu ta shafe sama da shekaru 40, tun zamanin gwagwarmayar kare dimokuradiyya da yaki da zalunci.
Ya kuma tuna wasu abubuwan tarihi da suka faru, ciki har da:
Gwagwarmayar adawa da mulkin wariya
Zanga-zangar adawa da wariyar launin fata (anti-apartheid)
Fafutukar kare ‘yancin jama’a a zamanin mulkin soja
BABBAN SHARI’A DA GWAGWARMAYA
Ya ce Falana ya taba taimaka masa a wasu manyan shari’o’i da suka shafi:
adawa da manufofin tattalin arziki (SAP)
da kuma kalubalen kundin tsarin mulki a zamanin mulkin soja
DAMUWA KAN DIMOKURADIYYA
A cewarsa, akwai damuwa kan:
karuwar sauya sheka zuwa jam’iyya mai mulki
raunin jam’iyyun adawa
da yiwuwar raguwar gasa a zaben 2027
Masu sharhi na siyasa sun yi gargadi cewa hakan na iya rage ingancin dimokuradiyya a Najeriya.