Kotun Tarayya Ta Jingine Shari’ar Nnamdi Kanu

Babbar Kotun Tarayya dake Abuja ta dakatar da sauraron shari’ar jagoran IPOB, Nnamdi Kanu, bayan da ya bukaci Mai shari’a Binta Nyako ta janye daga shari’ar. A yau Litinin, an gabatar da Kanu a kotu, inda ya kafe kan cewa ba za a ci gaba da shari’ar ba tun da mai shari’ar ta taba janye hannunta a baya. Gwamnatin tarayya ce ta gurfanar da shi bisa zargin cin amanar kasa.