Kamfanin kiɗa na intanet Spotify ya sanar da samun ƙarin ribar kudin shiga a zangon farko na shekarar kasuwanci, yayin da yawan masu amfani na kowane wata ya kai miliyan 761 a ƙarshen wannan zangon.
Haka kuma, adadin masu biyan kuɗi ya kai miliyan 293, wanda ya yi daidai da hasashen da kamfanin ya fitar tun farko.
Shugabancin kamfanin ya ce sakamakon ya ɗan wuce hasashen da aka yi na masu amfani (miliyan 759), kuma ya nuna kyakkyawan ci gaba a amfani da sabis ɗin.
“Mun wuce miliyan 760 na MAU, mun cimma burin haɓakar masu biyan kuɗi, kuma mun ga ƙarin amfani daga tsofaffin masu amfani da sabbin shiga,” in ji co-CEO Alex Norström a wata sanarwa.
Sakamakon ya zo ne bayan wanda ya kafa kamfanin Daniel Ek ya sauka daga matsayin Shugaba (CEO) a farkon 2026, inda ya mika ragamar jagoranci ga co-CEOs Norström da Gustav Söderström. Duk da haka, Ek har yanzu yana ci gaba da taka rawa a matsayin shugaban kwamitin gudanarwa (executive chairman).
A cikin rahoton, an bayyana cewa kudaden shiga na zangon farko sun kai euro biliyan 4.5 ($5.3bn), wanda ya ƙaru da kashi 8% idan aka kwatanta da na shekarar da ta gabata.
Haka kuma, ribar gudanarwa (operating income) ta ƙaru da kashi 40% zuwa euro miliyan 715.
Kamfanin ya kuma bayyana cewa yana sa ran kaiwa masu amfani miliyan 778 da kuma masu biyan kuɗi miliyan 299 nan gaba a wani zangon da bai ƙayyade ba.