Kungiyar Manchester United ta tabbatar da cewa Michael Carrick zai ci gaba da zama kocin kungiyar a kakar wasa mai zuwa, bayan ya jagoranci Red Devils zuwa matsayi na uku a gasar Premier League.
A cikin wata sanarwa da kungiyar ta fitar ranar Juma’a, ta bayyana farin cikinta kan ci gaba da aikin Carrick tare da sabunta kwantiraginsa.
“Mun yi farin ciki da sanar da cewa Michael Carrick zai ci gaba da kasancewa kocinmu, bayan ya sanya hannu kan sabon kwantiragi,” in ji sanarwar Manchester United.
Carrick ya samu yabo daga magoya baya da masu sharhi bisa yadda ya taimaka wajen tabbatar da kyakkyawan sakamako a karshen kakar wasa.