Jarumar Nollywood kuma mai wa’azi, Tonto Dikeh, ta sake jawo hankalin jama’a bayan ta wallafa hotuna daga wani taron ibada da ta halarta tare da ɗanta da kuma ‘yar tsohon mijinta.
A hotunan da ta sanya a shafukan sada zumunta, an ga ta tare da ɗanta King Andre da kuma ‘yar Olakunle Churchill, suna cikin farin ciki yayin halartar ibadar.
Tonto ta rubuta wani sako mai cike da imani inda ta ce, “Idan Allah yana tare da kai, babu gazawa. Nasara tana tabbata a kowane lokaci.”
Wannan lamari ya biyo bayan wasu abubuwa na baya-bayan nan da suka nuna yiwuwar sauƙin dangantaka tsakanin ta da tsohon mijinta. Kwanaki kaɗan da suka gabata, ta wallafa hoton da ya haɗa da ita, Churchill da ɗansu yayin bikin zagayowar ranar haihuwar ɗan nasu.
Haka kuma, ta taba wallafa bidiyo na wani liyafar bankwana da aka shirya wa ‘yar Churchill kafin ta koma makaranta.
Duk da haka, har yanzu babu wata sanarwa a hukumance daga bangarorin biyu da ke tabbatar da cewa sun sasanta gaba ɗaya. Amma irin waɗannan abubuwa na iyali suna ci gaba da ƙara janyo hasashen jama’a.