Shugaban kamfanin Stanel Group da The Delborough Lagos, Stanley Uzochukwu, ya kammala shirin High Performance Leadership a jami’ar University of Oxford cikin kankanin lokaci, bayan kammala wasu shirye-shiryen shugabanci a Harvard Kennedy School da ke Amurka.
Rahotanni sun nuna cewa Uzochukwu ya yi fice a matsayin ɗaya daga cikin manyan ‘yan kasuwar Najeriya masu tasiri, inda ya gina kamfanin Stanel Group a shekarar 2012, wanda yanzu ya zama katafaren kamfani mai harkoki a fannin makamashi, otal-otal da kasuwanci.
A 2023 ya ƙaddamar da The Delborough Lagos, wanda ya ƙara ɗaukaka harkar otal a Najeriya, tare da samun lambobin yabo daban-daban kan gudunmawarsa a fannin kasuwanci da zuba jari.
Baya ga kasuwanci, yana riƙe da muƙamai a hukumomin ilimi da na ci gaban ƙasa, ciki har da matsayin shugaban UNIZIK Advancement Board da kuma memba a wasu kwamitocin gudanarwa na jami’o’i.
Haka kuma, ta hannun Stanley Uzochukwu Foundation (SUF), yana tallafawa matasa, marayu da iyalai marasa galihu ta hanyar ilimi, tallafin sana’o’i da ayyukan ci gaban al’umma.
A cewarsa, nasarorin da ya samu sun samo asali ne daga imani, ladabi, dagewa da hangen nesa na dogon lokaci wajen gina kasuwanci mai dorewa da tasiri a al’umma.