A wata hira da aka yi da shi a shirin The Breakfast Club, Davido ya ce yana ganin cewa harkar nishadi na da wahala sosai, shi ya sa ya fi son ‘ya’yansa su shiga kasuwancin mahaifinsa maimakon shiga duniya mai matsin lamba na shahara.
Ya ce:
👉 “Na sha wahala a wannan hanya, shi ya sa bana so ‘ya’yana su shiga ta.”
Davido ya kara da cewa yana ganin farin cikin mahaifinsa, Chief Adedeji Adeleke, idan yana tare da jikokinsa, wanda hakan ya sa ya fahimci muhimmancin rayuwa fiye da shahara da kudi.
Ya kuma tuna cewa mahaifinsa a baya ya so hana shi waka, amma daga baya ya yi nasara ya zama tauraro a duniya.
Yanzu dai Davido na fatan ‘ya’yansa su samu rayuwa mai kwanciyar hankali a cikin kasuwancin iyali, ba tare da matsin lamba na shahara ba.