Gwarzuwar shirin Big Brother Naija Season 10, Imisioluwa Ayanwale, ta mayar da martani mai zafi ga wani mai amfani da shafukan sada zumunta da ya zarge ta da kasancewa “mai maida hankali kan maza” (male-centred).
Lamarin ya samo asali ne bayan wani mutum ya yi tsokaci a shafinta, inda ya ce tana yawan wallafa hotunan maza daban-daban a shafukanta na sada zumunta kullum.
“You are so man-centred. Every day, different men,” in ji mai sharhin.
Sai dai a martaninta, matashiyar mai shekaru 23 ta bayyana cewa tana samun girmamawa daga irin mutanen da take hulɗa da su, tare da yin watsi da zargin da aka yi mata.
“Funny how the same men you claim I centre are the ones who speak my name with respect in rooms you will never enter,” in ji ta.
Ta ƙara da cewa:
“I would rather be male or whatever centred you see it as than bitter and irrelevant. Choose your struggle, my love.”
Maganar ta janyo cece-kuce a shafukan sada zumunta, inda wasu ke goyon bayanta yayin da wasu kuma ke sukar yadda ta mayar da martani.