Majalisar Wakilai ta ƙasa ta bukaci Gwamnatin Tarayya da ta gaggauta fito da tsare-tsare na daidaita farashin amfanin gona, domin kare manoma daga asarar da suke fuskanta a fadin kasar nan.
Wannan mataki ya biyo bayan amincewa da kudirin da dan majalisa mai wakiltar mazabar Ede ta Arewa/Ede ta Kudu/Egbedore/Ejigbo a Jihar Osun, Bamidele Salam, ya gabatar a zaman majalisar.
Dalilin Daukar Matakin
Dan majalisar ya bayyana cewa noma na daga cikin ginshikin tattalin arzikin Najeriya, musamman wajen:
Samar da ayyukan yi
Tallafa wa rayuwar karkara
Tabbatar da wadatar abinci
Kara habakar GDP
Sai dai ya nuna damuwa kan yadda farashin amfanin gona ke faduwa sosai a kasuwanni.
Ya ce: Farashin kayan gona kamar rogo, shinkafa da doya na raguwa sosai
Lamarin na jawo asara mai yawa ga manoma
Asarar Da Manoma Ke Fuskanta
Majalisar ta bayyana cewa:
Manoma na kashe kudade masu yawa wajen noma
Sun hada da iri, taki, magunguna, sufuri da ma’aikata
Yawanci ma suna karbar bashi ne domin yin noma
Saboda haka, faduwar farashi na jefa su cikin matsananciyar asara da bashi.
Matsalolin Da Suka Jawo Lamarin
An danganta matsalar da:
Rashin wuraren ajiya (storage)
Karancin masana’antun sarrafa kayan gona
Rashin kasuwanni masu karfi
Matsalar hanyoyi da sufuri
Hakan na sa manoma su sayar da kayan su da wuri saboda gudun lalacewa.
Illolin Da Ka Iya Biyo Baya
Majalisar ta yi gargadin cewa idan ba a dauki mataki ba: ⚠️ Manoma na iya daina noma
Za a samu karancin abinci
Farashin abinci zai iya tashi nan gaba
Najeriya za ta kara dogaro da shigo da abinci daga waje
Matakan Da Aka Bukata
Majalisar ta bukaci gwamnati da: ✔️ Kafa tsarin sayen kayan gona kai tsaye daga manoma
✔️ Samar da tallafin farashi
✔️ Gina wuraren ajiya da cibiyoyin sarrafawa
✔️ Inganta hanyoyin kasuwa da sufuri
Haka kuma an umurci kwamitin noma na majalisar da ya binciki musabbabin matsalar tare da gabatar da rahoto cikin makonni biyu.
Muhimmin Bayani
Duk da cewa farashin abinci na da tsada a birane, manoma a karkara na fama da faduwar farashi sakamakon yawan amfanin gona da rashin hanyoyin kasuwa.